طبعا ممكن كلامى يضايق ناس منى او ياخد عنى فكرة وحشة بس دا كلامى ومقتنع بيه
البانر دا اصلا غير لائق بينا
ازاى انت او انا او اى حد اصلا يسمح انه يتف على حد مهما كان
دا مش سلوكنا
مش سلوكنا كعرب او كمسلمين
مهما كان كرهنا ليهم مش دي الطريقة المناسبة للتعبير عن كرهنا
إذا كانوا هما زبالة فأحنا ما ننزلش لمستواهم ابدا
ونفضل على طول ساميين بمبادئنا وسلوكيتنا اللى ما بتتغيرش بتغير الموقف
فى طرق كتير لتعبير عن كره إسرائيل لكن مش هي دي الطريقة المناسبة فى اعتقادي
الطريقة الاكثر تأثيرا بقي اننا نرد عليهم مش ببانر او كلمة لا بعمل وتأثير ملحوظ يحترمنا علشانة العالم بأختلاف اطيافه ونجبرهم هما كمان اننا نحترمهم
زى ما خلونا نستخدم الداونلود اكسليراتور " هو مش احسن داونلودر على فكرة وكمان انا مش ضد استخدامه لأنه اسرائيلي " احنا كمان نعمل حاجة احسن ونجبرهم يستخدموها ويحترموها مش مجرد بانر فى السايد بار
دي رؤية شخصية ممكن تخطئ او تصيب
تحياتى
تشي
ازاى انت او انا او اى حد اصلا يسمح انه يتف على حد مهما كان
دا مش سلوكنا
مش سلوكنا كعرب او كمسلمين
مهما كان كرهنا ليهم مش دي الطريقة المناسبة للتعبير عن كرهنا
إذا كانوا هما زبالة فأحنا ما ننزلش لمستواهم ابدا
ونفضل على طول ساميين بمبادئنا وسلوكيتنا اللى ما بتتغيرش بتغير الموقف
فى طرق كتير لتعبير عن كره إسرائيل لكن مش هي دي الطريقة المناسبة فى اعتقادي
الطريقة الاكثر تأثيرا بقي اننا نرد عليهم مش ببانر او كلمة لا بعمل وتأثير ملحوظ يحترمنا علشانة العالم بأختلاف اطيافه ونجبرهم هما كمان اننا نحترمهم
زى ما خلونا نستخدم الداونلود اكسليراتور " هو مش احسن داونلودر على فكرة وكمان انا مش ضد استخدامه لأنه اسرائيلي " احنا كمان نعمل حاجة احسن ونجبرهم يستخدموها ويحترموها مش مجرد بانر فى السايد بار
دي رؤية شخصية ممكن تخطئ او تصيب
تحياتى
تشي
20 comments:
السلام عليكم ورحمة الله وبركاته
انا طبعا معاك يا احمد ان ده مش اسلوب حضارى اننا اى حد مضايقين منه نتف عليه ولا اى حاجة من دى لان ده بيبين اننا متخلفين بس ممكن يكون حد عمل كده مش باب انه بيبن انه بيكرههم او حاجة
بس الحب او الكرة فى القلب مش بكتابه على ورق
تحياتى........
يا أخي
اكتب حاجه تنفعك وتنفع القراء
متحط صورة من الانتهاكات الاسرائيلية!!!
ولا مش لائق بينا اننا نفضحهم
!
تحياتي
كناريا
فعلا مش اسلوب حضاري والطرق للرد كتير ومختلفه
ابن ناصر
شرفتني كتير واتمنى دايما
مش عارف ليه انت مش شايف يعني ان كلامى دا مفيد مش شايف ان دا ما بيليقش بينا او بسلوكنا
ومش لازم احط صورة من الانتهاكات او غيره ما الصور ماليه المدونات غيرت ايه الصور يعني اعتقد ان التغير مش بصورة او كلمة
والصور اللى هنحطها دى هتفضحهم فين هتفضحهم قصادنا احنا طيب ما احنا عارفين انتهاكاتهم وهما كمان والصور ماليه وكالات الانباء فى كل حته ولا حياة لمن تنادي
التغيير مش بالصور ممكن كتير نغير بعملنا وزى ما قلت نجبرهم يحترموا عملنا وبالتالى يحترمونا
صحيح ان هنا بتكلم عن سلوكنا احنا مش على ممارستهم هما وبقول ان دا مش سلكونا يا ريت تعلق على دي
يا عم هو صحيح أسلوب زبالة بس ده مجرد تعصب مش أكتر تعصب للي بيحصلنا منهم تعصب للانتهاكات اللي بتحصل كل يوم تعصب علي السكوت اللي العرب ساكتينه
فكل اللي مطلوب اننا نمسك أعصابنا مش أكتر يا تشي
كام معكم ..............
كيكوووووووووو
كيييييييييييكو
ايه النور دا كله
تعصب واسلوب زبالة والمفروض نمسك اعصابنا حلو قوى كدا احنا ى نس الموقع ان الاسلوب دا وحش فى التعبير عن الكره ليهم
شكرا ع الزيارة
تشي الحزين
اعتقد الشعارت دي اتوف على اسرائيل كلام ملوش اي لازمه الا ممكن تنفيس فقط ملوش اي لازمه
شهبي باشا
ازيك دلوقتى يا ريت بخير ونفسيتك زى الفل
فعلا ملوش لازمة حتى لو تنفيس زى ما بتقول كدا
تحياتى ..،
تشي
ra3'm en el banner 3agbny
bas ana shayef en kalamek sa7
bas ela enta 3ayzo daha azon sa3eb shweaya
en e7na n3mel 7aga tegberhom en homa yesta7'demohaa
ya ragel daha e7na ma3mlnash wesh mobile till now :((
إيهاب
طبعا مقدرش اقول يعجب مين وما يعجبش مين دي حرية شخصية بس انا قصدي ان الرد لازم يكون عملي مش بالصور
فعلا صحيح انا ما اشتريتش ولا وش موبايل مصري بس للحقيقة الشيبسي بيتعمل فى مصر كفاية قوى علينا الشيبسي
ياللا تحياتى ..،
تشي
انا قبل كدة كتبت تعليق مشابه لكلامك دة فى مدونة واحد كان حاطط الشعار دة
بس هو كتب لى رد فيما معناه انى جاسوسة ويهودية ومعنديش حس وطنى
هى دى مشكلتنا
مش بنعرف ازاى نناقش المختلف عنا
ونستفيد من نقد الاخرين لينا
ياااه كنت اتمني اننا نعرف نعبر عن غضبنا وعن مشاعرنا صح..
بس للأسف بالطريقه دي مش هنوصل لحاجه ..
احنا بنعمل كدا عشان نريح نفسنا من تانيب الضمير اللى قد نكون عايشين فيهاو الثليل منا اللي عايش فيه
سلااام
Simple girl .. Simple dream
جاسوسية ويهودية ومعندكيش حس وطنك :P
وانا كمان زيك على كدا :D
بالظبط مش بنعرف نتقبل الرأي الاخر
مش فاكر كنت سمعت من مين قبل كدا تقريبا من معز مسعود ان الناس اللى ما بتتقبلش الاخر لو اتفرجت على قناة الجزيرة اول ما يجي اللوجو بتاع القناة ينزل هيجروا يحطوا إيدهم يخبوا كلمة " الرأي الأخر "
ياللا ربنا يهدينا كلنا ونعرف نسمع قد ما بنتكلم
ميدو
انا كمان كنت اتمنى كدا زيك
بس اخر حاجة دي معناها أيه ؟؟؟؟؟؟؟؟؟؟
فيهاو الثليل منا اللي عايش فيه
؟؟؟؟؟؟؟؟؟؟؟؟؟
تشي
كنت بقول يا تشي :
احنا بنعمل كدا عشان نريح نفسنا من تأنيب الضمير اللى قد نكون عايشين فيهاو القليل منا اللي عايش في تأنيب الضمير ده
تحياتي
commandor
هو مجرد انك تتف على اسرائيل ده طريقه سلبيه للتعبير عن المشاعر
لأنها مجرد تنفيس مش اكتر
تعالى قول للى عمل البانر ده اطلع مظاهره و لا امضى على لائحه تتبعت للسفاره و لا اى حاجه تلاقيه خاف و كش فى هدومه
ربنا يفوق شبابنا يا رب
كيمووووووز
هى طريقة سلبية وانا شايف انها مش مناسبة يعني
حتى لو تنفيس مش بالطريقة دي
علشان بس ما نظلمش حد يمكن يوافقوا
بس كنت انت قلت فى بوست عندك ان المفروض ندور على طرق جديدة غير المظاهرات وكدا
ربنا يفوقنا ويوفقنا يا رب
تشي
ازيك يا ابو حميد
بلوج عسول خالص على فكرة و مستغربة ازاى مشفتوش قبل كده
المهم بقى يا باشا...كلامك ده كله صح... انا بستغرب من اللي مش فالحين غير في بس انهم يقولوا تسقط اسرائيل و يجيبوا في صورة شارون و هو قرد و اولمرت مش عارف ايه... ده بعيدا عن انه اسلوب غير متحضر ده كمان كله كلام ابن عم حديت لا بيودي و لا بيجيب و لا بياكل مع الناس دي اصلا... الحل اننا زي ما قلت نحوجهم لينا... يمكن زي مابتكسف من استخدامنا لحاجاتهم هما كمان يتكسفوا مننا... و ان كنت انا شايفة ان المقاطعة برده مش بطالة... فيه حاجات كتير نقدر تثبت فيها اننا مش بنحب اسرائيل مش بالكلام بس
يمنى
شرفتني يا معلم
ويا رب دايما على طول
كلامك تمام اوى وعال العال
هي المقاطعة مش بطالة وبتفيد فى القضية بس بعتقد فى حاجات اكتر هتفيد فى القضية اكتر من المقاطعة بس برنامج الداونلود دا بالذات مفيش فايدة من مقاطعته اصلا هو مش حلو اوى بس سهل استخدامه وبيفيد ناس لسه بتبتدي
شرفتيني كتير
تشي
انا مش عارفة ازاى مشوفتش البوست ده غير انهاردة ، معقول كل مرة بيهرب منى وانا بعمل سكورل!!! ...مش مشكلة ..عمرك اطول من عمرى ، الموضوع ده كان لسه على بالى... وانضم بكل فخر لرأى الاخوة الجواسيس واللى معندهومش حس وطنى ...
ممارسات بعض الحكومات العربية ابشع بمراحل من اسرائيل -ومش ببالغ.
المثال اللى بيعجبنى عشان جامد وواضح وبيسقط الرأى العام العربى من نظرى ،الجانجويد .. اللى حكومة السودان دعماهم قتلوا من 10 - 20 ضعـــف عدد شهداء الانتفاضة التانية ف فترة اقل من فترة الانتفاضة التانية ، عمر ماحد قال تفووو ع الجانجويد ولا حتى اتأثر عشان دارفور
اتفووووووووووووو ع الظلم ف كل مكان ، وانا واثقة ان اسرائيل مش اكتر مكان فيه ظلم ف العالم ..وانهم بيعاملوا العرب احسن م العرب بيعاملوا نفسهم..لكنهم دول اليهووووود يعععععع، اللى الشيخ بيقعد يقول عليهم يوم الجمعه اللهم يتم اطفالهم ورمل نساءهم و..و... عدو مثالى يعنى :|
ربنا يهدى
تحياتى
Drop:(
دروب
اهلا بيكي معانا
فعلا حكاية بوخت اوى حكاية دارفور دي وكمان ما بقيتش عارف ليها معالم خالص مش عارف
المفروض نحترم نفسنا الاول وبعدين نتكلم عن الناس ولا نسينا اننا عرب
انا بدأت انسي على فكرة
تشي
Post a Comment