شاركنا فى تطوير ويكيبيديا العربية

Image and video hosting by TinyPic
شاركنا فى تطوير ويكيبيديا العربية

الكود دا علشان تضيف البانر عندك فى البلوج بتاعك

الكود من هنا

Nov 15, 2007

ويكي بالعربي

Image and video hosting by TinyPic
وانا بتكلم مع دروب او ذا اوشن الكلام جاب بعضه عن ويكيبيديا وانها مليانة اخطاء كتير فى الترجمات العربية للمقالات وكمان اننا مش بنحاول نصلح الحاجة اللى احنا شايفنها غلط رغم اننا عارفين اننا ممكن نصلحها ، ودى فكرة الويكيبديا اصلا ، ان اللى عارف حاجة يحطها ، واللى شايف حاجة مكتوبة غلط يصححها .. بس للاسف محدش بيعمل كده ، كله بيستفيد بس ، وحتى لما بنفكر نستفيد مش بنلاقى حاجات ، ودا بسببنا احنا ، لو قارنا بين الويكيبديا العربى والويكيبديا الانجليزى .. هنعرف الفرق ، على ويكي انجلش مفيش كلمة تيجى على بالك إلا لما تلاقيها ، لكن على ويكى بتاعتنا ياما دورنا على حاجات مهمة وملقنهاش او لاقينا مقال كلمتين ، وعلشان كدا قولنا نعمل حملة لتطوير ويكي العربية ، كل ماتعرف موضوع وتحس انه مهم، وغيرك هيستفيد لو عرفه ..ادخل على ويكيبديا واكتبه وانشره ، كل ماتدور على حاجة على ويكيبديا عربى وتلاقيها ضعيفه واضطريت تدخل على ويكيبديا انجلش ...ترجم اللى لاقيته وضيفه ، مش هتاخد ربع ساعة وحتى لو اخدت ربع ساعة المرة الجاية هتلاقي اللى انت عايز تستفيد بيه موجود قدامك من غير ما تتعب .
عيب لما نلاقى كل المقالات العربى مكتوب عليها(هذا المقال لا يطابق معايير ويكيبديا)
او نلاقى (هذا المقال بذرة بحاجة للنمو)

ياريت نبقى ايجابين ، ونخلى ويكيبديا العربى ، تبقى شجرة معرفة كبيرة .. نستفيد منها كلنا
يللا كلنا نويكى بالعربى

تشي

16 comments:

كاميليا بهاء الدين said...

Chez

أنا معاك فى المشروع ده .. وكل ما الاقى حاجه مهمة او اقرا حاجه مهمة او ادور على حاجه بلغة غير العربية هاترجمها واضفيها على طول

مشروع هايل جدا

برافو عليك يا تشى

كاميليا

Che The Hermit said...

كاميليا
يا رب كل الناس كدا تكون إيجابيه زيك
المشروع هيكون هايل فعلا لو كلنا ابتدينا بنفسنا

هو اللى برافو عليه فعلا صاحب الفكرة وللدقة صاحبة الفكرة دروب او ذا اوشن

تحياتى ليكي
تشي

الأستاذ said...

لأ فكرة جامدة جداً
لأني بحب جداً حاجة إسمها ويكيبيديا أصلاً
كل م أفكر أدور على حاجة ألاقيها عليها لكن بالفعل الأكثر بالانجليزي ولو حاجة بالعربي مش كله بلاقيه ولما أفرح وألاقي لينك ليها ألاقيها مش موجودة أو كلمتين بس أو حتى ترجمة المقالات الانجليزي للعربي مش بتتحط كلها
ودي مش حاجة أد كدة من زمان وأنا عايز أشارك في ده لكن مكنتش أعرف إزاي
أشكرك على الدعوة جداً
وأنا إن شاء الله معاكوا
تحياتي

Che The Hermit said...

استاذنا
ربنا يخليك
كتير بيحبوا ويكيبيديا لكن مين بيحاول يحسن فيها علشان كدا عملنا الحملة دي علشان زى ما بنستفيد نفيد وكلنا مع بعضنا
قريب جدا هنعمل ازاى نقدر نضيف ونزود ونترجم فى ويكي

تحياتى
تشي

nyira_elsheiref said...

خطوة هايله جدا ، معاكو فيها طبعا
وحطيت البانر عندى

Che The Hermit said...

نيرة
نورتى البلوج
شكرا على انك حطيتي البانر عندك

تحياتى كتير
تشي

أسامه يوسف said...

معاك يانجم

Anonymous said...

على فكرة يا جماعة الميل بتاعى اتعمل عليه هاكنج وكمان الجي ميل علشان كدا البلوج دلوقتى انا مش متحكم فيه

تحياتى كتير ولو عملت بلوج جديد هكتبه إن شاء الله

تشي

همسات ساكنه said...

مشروع حلو اوي بجد
يعني نفيد ونستفيد
لما كل حد حيضيف شيئ كله حيستفيد منه
معلش يا تشي على الايميل
رغم ان هصعب عمل بلوج جديد ونقل كل ده تاني
ربنا معاك ويرجع الايميل اسهل :D

YOTTA said...

هاويكى معاكو

عشان فعلا بادور على حاجات كتير ع الويكى ومش بلاقيها
بجد مشروع تحفة
بس عايزة اسال هو اى حد ممكن يحط اى حاجة كده ولا ايه

YOTTA said...

هاويكى معاكو

عشان فعلا بادور على حاجات كتير ع الويكى ومش بلاقيها
بجد مشروع تحفة
بس عايزة اسال هو اى حد ممكن يحط اى حاجة كده ولا ايه

Che The Sad said...

يا جماعة دا اليوزر الجديد بتاعى والبلوج الجديد بتاعى نفس دا بس
5e
بس
http://cheeeez.blogspot.com/
وأكيد كلنا هنويكي مع بعض وعلى فكرة ينفع اى حد ييف او يعدل وفى زى مشرفين علشان يشوفوا المادة اللى اتحطت ويراجعوها

تشي

Che Ahmad said...

المرة دي غيرت اليوسر والشكل بتاع البلوج
انا البلوج دا اتهاك عليه واليلوج التاني علشان كدا عملت واحد جديد خالص وكمان نيولوك جديد خالص
http://how-am-i.blogspot.com/
دا البلوج الجديد
ودا خلاص دلوقتى انا مش متحكم فيه

Ehab said...

so do i
i will do my best to help
sorry for not being here for a long time my friend
el doniaaa ba2a

لو كنت أعلم said...

أنا معاك ياسيدي وإلى الأمام
ياروميل

تحياتي لك

انا مش معاهم said...

انا معاك يابوي