شيكاجو المبدع علاء الاسوانى
فى الترم التانى السنة اللى قاتت وعلى صفحات الدستور قريت شيكاجو على اجزاء واعجبت جدا بالرواية وكنت متحيز ليها اصلا قبل ما اقراها لسابق قرايتي ليعقوبيان الرواية مش الفيلم لأن الرواية اجمل كتير من الفيلم وقريت الرواية فى الدستور وعجبتني جدا رغم انتقاد البعض اسلوب الاسوانى الوصفي لكن فى اثناء مناقشتى معاهم كنت بكتشف ان الاسوانى جه ع الجرح وان اللى هما بينتقدوه اصلا موجود فى حياتهم فعلا تمثيل رائع لحياة بنعيشها وكمان لوجهه نظر امريكا فى العرب بعد احداث 11 سبتمبر شكرا د/علاء الاسوانى
اللى خلانى اكتب البوست دا رغم انى قريت الرواية من زمان انى لسه مخلص الرواية للمرة التانية دلوقتى
9 comments:
السلام عليكم
ماقريتش شيكاجو لسه
بس قريت عمار يعقوبيان
والرواية احلى الف مرة
كانت حلوة بجد
**
جميل اوى البانر بتاع اضحك للدنيا
منور في بلوجتك
بجد فرحانة
كنت زمان لما اقول لاصحابي او لحد على اضحك يقولي ايه الجورنال ده
إيييييييه دنيا
:)
سلاماتي
مش قادرة
كنتى عارف انك هتعدي النهادرة
اى خدمة نزلى شيكاجو واقريها
البانر انا خدته من غير ما استئذن لسببين انى اكتر واحد بيحبها فى الدنيا وبالتالى مش لازم استئذن :P
غير كمان انك مكنتيش بتردي وعرفت بعدها انك كنتي تعبانة
حمدا لله ع السلامة
صحيح البانر منور عند اصحابه الاول
ايييييييييييه دونيا
تحياتى ..،
تشي
في ناس كتير ليهم بعض التحفظات علي اسلوب علاء الاسواني الجرئ
و يمكن ده اللي خلا ناس كتير تاخدها من قاصرها و ما تحاولش تقراله حاجه
و علي فكرة انا واحده من الناس اللي خدوها من قاصرها
لكن بعد البوست بتاعك ده هجرب حظي معاه و هاقرأ الروايه و يمكن ابقي واحده من حبيه و معجبينه
تحياتي ليك
و عيد سعيد مع انها جت متاخرة شويه
السلام عليكم
ماينفعش تستأذن
لانها مش حكر عليا
اصلا بقولك فرحانة جدا
اسامة يوسف كمان حاطها
بجد منورة في بلوجاتكم
سلاماتي
سالى
يا هلا شرفتينا كتير
اسلوب الاسوانى الجرئ دا على فكرة واقع بيحصل فى مجتمعنا وبرا مجتمعنا بس بيختلف بالتأكيد من شخص لأخر بس لو كنتى فى مجتمع كبير وبدأتى حوار ع النقاط اللى الاسوانى بيثيرها هتلاقي فعلا موجود كل حاجة
بالنسبة ليا فى المدينة الجامعية " ربنا لا يعود ايامها تانى " دخلنا فى حوار وفى الاخر كله سكت لان كل موقف ذكره الاسوانى اثبت لهم انه موجود بينهم بطريقة او بأخري
وعلى فكرة معتقدش ان اسلوب ان اخدها من قاصرها والباب اللى يجيلك منه الريح وما إلى اخره صح لأننا ما نقدرش نحكم ع الحاجة من غير ما نختبرها شخصيا
عيد سعيد وكل سنة وانتى طيبة
ومش متأخرة ولا حاجة
مش قادرة
البانر منور عندنا علشان واخدينه اصلا منور جاهز من عند اصحابه :)
تحياتى ..،
تشي الحزين
لم اقرأ شيكاغو للأسف رغم انها عندي نسخه الكترونيه من فتره
بس انا مبعرفش اقرا على الجهاز خالص و لازم عشان اقراها لازم اقراى فصل عشان اتشد ليها و اكملها او انزل اشتريها و انا حالتي النفسيه في الحضيض
فعشان كده مأجل القرايه شويه
محمد باشا شهبي عندنا ايه النور دا كله
شوفت حد بيرد فى نفس اللحظة كدا زيي
فعلا ممكن تمل وانت بتقري ع الجهاز بس انا قريتها قبل كدا عادي ودي تانى مرة ع الجهاز بس فعلا الفارق شاسع
وليه حالتك النفسية وحشة ربنا يسعدك دا احنا حتى فى العيد
fatetk el nadwa bet3et el rewaya fe sakeyt el saway
ba3ed keda law feah nadawt le dr. 3laa ha3rafek a2balaha
إيهاب
بالتأكيد فاتتني وخسرتها الندوة دي
اوك فى اى ندوة تانية هستناك تعرفني وهكون شور هناك
تشي
Post a Comment