شاركنا فى تطوير ويكيبيديا العربية

Image and video hosting by TinyPic
شاركنا فى تطوير ويكيبيديا العربية

الكود دا علشان تضيف البانر عندك فى البلوج بتاعك

الكود من هنا

Nov 15, 2007

ويكي بالعربي

Image and video hosting by TinyPic
وانا بتكلم مع دروب او ذا اوشن الكلام جاب بعضه عن ويكيبيديا وانها مليانة اخطاء كتير فى الترجمات العربية للمقالات وكمان اننا مش بنحاول نصلح الحاجة اللى احنا شايفنها غلط رغم اننا عارفين اننا ممكن نصلحها ، ودى فكرة الويكيبديا اصلا ، ان اللى عارف حاجة يحطها ، واللى شايف حاجة مكتوبة غلط يصححها .. بس للاسف محدش بيعمل كده ، كله بيستفيد بس ، وحتى لما بنفكر نستفيد مش بنلاقى حاجات ، ودا بسببنا احنا ، لو قارنا بين الويكيبديا العربى والويكيبديا الانجليزى .. هنعرف الفرق ، على ويكي انجلش مفيش كلمة تيجى على بالك إلا لما تلاقيها ، لكن على ويكى بتاعتنا ياما دورنا على حاجات مهمة وملقنهاش او لاقينا مقال كلمتين ، وعلشان كدا قولنا نعمل حملة لتطوير ويكي العربية ، كل ماتعرف موضوع وتحس انه مهم، وغيرك هيستفيد لو عرفه ..ادخل على ويكيبديا واكتبه وانشره ، كل ماتدور على حاجة على ويكيبديا عربى وتلاقيها ضعيفه واضطريت تدخل على ويكيبديا انجلش ...ترجم اللى لاقيته وضيفه ، مش هتاخد ربع ساعة وحتى لو اخدت ربع ساعة المرة الجاية هتلاقي اللى انت عايز تستفيد بيه موجود قدامك من غير ما تتعب .
عيب لما نلاقى كل المقالات العربى مكتوب عليها(هذا المقال لا يطابق معايير ويكيبديا)
او نلاقى (هذا المقال بذرة بحاجة للنمو)

ياريت نبقى ايجابين ، ونخلى ويكيبديا العربى ، تبقى شجرة معرفة كبيرة .. نستفيد منها كلنا
يللا كلنا نويكى بالعربى

تشي

Nov 9, 2007

ليله ارتدت فيها مصر السواد

والله انا من الاول وقلت ان ما دام الراجل دا جاى يبقي مش هناخد الكأس

الأهلي لعب مبارة جامدة وكان الاحق بالفوز لولا العرجون الحيوان اللى كان لينا تلات ضربات جزاء وكان متحامل علينا قوي ربنا ياخده هو وكل لعيبة النجم اللى نصهم يستاهل الطرد لولا تعاطف الزفتون معاهم

برده الأهلي الملك رغم الهزيمة وهيفضل دايما الملك
صحيح لكل اليهود اللى شجعوا النجم النهاردة جاتكوا نيلة على رأى ماري منيب أنا معرفش جالكوا قلب ازاى تقوموا وتهيصوا ساعة هدفي النجم انا مش متخيل انكوا مصرين زينا وزيكوا المهندس المطحون باشا اللى كان بيشجع اللعبة الحلوة واللى بتساوى عنده اى حاجة غير الاهلي

بسرعة كدا
عماد النحاس : طردك وسام على صدرك
عماد متعب : تعبت كتير والحظ مكانش معاك
تريكة : كان عندي فيك امل اكبر من كدا
الحضري : مهما حصل هتفضل وحش افريقيا
احمد السيد : هارد لك
العرجون : والله الشتيمة على لسانى بس حسبي الله ونعم الوكيل النهاردة مية مليون اهلاوى على من مختلف بقاع المعمورة بيدعوا عليك وبيشتموك
المساعد الاعمي : يعني شوفت الجون بتاعهم مش تسلل واحمد صديق هو اللى متسلل يا أخي ..........
حسن مصطفي : ربنا يحفظك
جوزية : مش عارف كان ايه لازمة شديد وليه ما نزلش الشيخ اسامة

كل سنة والاهلى دايما الملك رغم انف كل الزمالكوية والتوانسة والمغاربة واليهود


Nov 8, 2007

جديدة دي ..... بس جامدة

الصراحة فى حاجة غريبة لقيتها النهاردة فى المصري اليوم فرحت جدا وبرده زعلت اوى هى من النوع اللى هو هم يبكي ويضحك فى نفس الوقت الخبر مفاده ( حلوه مفاده دي ) ان قال ايه شوية طلبة عملوا محاكمة لوزير التعليم العالى والقيادات بتاعه الجامعة فى نقابة المحامين

الله اكبر

عجبني جدا الموقف والله واننا عرفنا نعمل حاجة منظمة لأول مرة

اللى ضايقنى بقي ان رغم حكم المحكمة اللى اتعملت دي بالإدانة لكن مفيش حاجة هتحصل خالص لو اننا فى بلد محترم شوية فعلا كان الوزير اتشال او على الاقل بدأت تحقيقات فى اللى بيحصل ياللا مش مشكلة بس فعلا فرحان جدا اننا قدرانا ( كطلبة ) نعمل حاجة منظمة زى كدا

الخبر من هنا فى المصري اليوم

Nov 5, 2007

كل عام وأنت آسرتى

رافضا كل العبارات الكلاسيكية التى يرددها الرجال على مسامع النساء
كل عام وانتى حبيبتى
حبيبتي

وآسرتى دائما


المضهد دوما
تشي

Oct 31, 2007

كل سنة وكيكوووووووووو طيب

KiKoOoOoOoOoOoOoOoO

المهندس المطحون فى الكلية الخارقة وحبيب قلبي كيكو
بتاع الواحدات :P
1/11
يوم واحد نوفمبر عيد ميلاده وطبعا كان لازم اهنيه واكون قبل الكل
كيكو
كل سنة وانت طيب وبألف خير
وعلى طول مع بعض ;)
وعقبال اتناشر الف سنة :P

ويا رب على طول سعيد

الهدية علشان ميبقاش ليك عندي حاجة تانى :P

تشي السعيد

مترو الأدغال

بقالى كتير ما حطتش بوست عدل مفيش غير تاج وتهنئة وجاى بعدها اتنين كمان علشان اعياد ميلاد حبايبي كلهم برج العقرب
-----------------------------
مترو الادغال او ما يطلق عليه جدلا فى بلدنا مترو الانفاق
فى المترو بشوف العجب العجاب بجد فى مواقف كتير حصلت بس هحكى عن موقفين كدا اللى فاكرهم دلوقتى
الاول بيتعلق بحاجة من ارخم حاجة بشوفها بتحصل فى المترو وهى ان واحد ما يقطعش تذكرة ويجي ورا واحد ويدخل معاه انا حصلت معايا الحكاية دى كام مرة قلت والله ما بدهاش ومش هسمح بكدا تاني المهم اول مرة اعمل كدا كنت بركب من الملك الصالح المهم وانا داخل واحد حط ايده يحجز الماكينة قبل ما تكمل دورتها علشان يدخل يعني انا روحت ملتفت وعملت فيها عبد الناصر فى زمانه وقلتله اسف لو سمحت اوعى ايدك الراجل اتخض وبصلي بطريقة كدا ساخرة وراح مطلع اشتراك مترو وضحك انا بقي قفلت معايا قلتله دا شيء متعلق بيا وانا مش بسمح لحد يديني على قفايا ويعدي معايا قالى خلاص ، مرة تانية بقي فى رمسيس واحد حب يعمل نفس الحكاية بس انا برجلي ورحت دايس على الحته اللى بنعدي منها والراجل بيحاول يحجزها بأيده بس انا ضغت عليها جامد لقدام راحت مكملة الدورة التفت للراجل وانا الصراحة شمتان فيه علشان ما خليتهوش يعدي معايا لقيته بيبصلي وكأنه هياكلنى بس كنت فرحان قوى وكأنى فتحت عكا ... الاغرب انى بلاقي الواحد من دول واقف ومستنى الفرصة المناسبة علشان ينقض ويدخل مع واحد تانى بس الحمد لله انا بقيت ارخم على اى حد يعمل كدا وما برضاش ابدا ............ دول بس حكايتين من حكاوى كتير ليا فى دنيا المترو لما افتكر ابقي احكيلكوا
......
تشي

Oct 27, 2007

كل سنة وانت طيب يا واد يا رومانسيييييي



أحمد فهمي
الرومانسيييييي صديق الدرب والكفاح والكلية وكل حاجة كل سنة وانت طيب واحنا مع بعض على طول وتلاقي يا رب اللى تقضي حياتك معاها ويوفقك مع ........ فاهمنى طبعا

وهديتك علشان منساش علشان انا ما بديش هدايا غير ع البلوج بس :P
ياللا كل سنة وانت وهى مع بعض

تشي

Oct 26, 2007

تاج جامد

التاج الجامد دا كان عند بيني وبينك وانا خدته واديني بجاوب عليه ومش كدا وبس لا دا انا همرره كمان
إشطات

مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
والله السؤال دا بالذات مش فاكر له إجابة خالص قعدت كتير افكر ومش اقادر افتكر مين كان بيمثلي حاجة زى كدا !!!

أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
انا اصلا مكنتش مؤمن بالحب والحاجات دي لحد تالته اعدادى كدا ولا حاجة وفى ثانوى حبيت بنت بس مكانش حب كان إعجاب عادي يعني وراح لحال سبيله

امتي أول مرة تشوف اثنين بيحبوا بعض, و قلت هو ده الحب بجد؟
طبعا كييييييييييييييييييييكو حبيب قلبي وابن عمتى واجمل قصه حب شفتها ربنا يوفقهم يا رب

كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
واحدة بس ودا بجد والله مش كلام والسلام

كام شخص منهم كان نفسك تكمل معاه حياتك؟
واحدة بس مش كان نفسي دا انا كان نفسي ولسه نفسي وهيفضل نفسي تكمل مع بعض الحياة

طيب و امتي عرفت مين حبيته بجد و مين لأ؟
بنظرة سريعة فاحصة لنخاشيش قلبك من جوا هتعرف على طول مين بتحب ومين كان مجرد كلام او اعجاب او ايا كان

ايه مقاييس الحب الحقيقي بالنسبه ليك/ليكي؟
انا الاتنين يكونا بيحبوا بعض بصدق وعندهم استعداد للتضحية سب انا بقول الاتنين مينفعش واحد اه وواحد لا لازم الاتنين مع بعض

هل الحب بيدوم علي طول؟
فى نظري اه وطبعا كمان اصلا معتقدش يبقي للحياة طعم من غير حب

في نظرك, يعني ايه اتنين بيحبوا بعض بس مش بجد؟
يعني اتنين مقضينها لعب وتهريج وفسح كلام وفى الاخر احنا ما ننفعش لبعض ودمتم

للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
انا لسه مش متجوز بس لما اتجوز هفضل احبها على طول وهتفضل ماليه حياتى ومش هسمح لنفس افكر فى حد تانى

ايه مفهوم الغيرة عندك؟
مش عارف بالظبط بس هى فى نظري حب زايد شويتين وخوف دايم ع الحبيب وقلق من وجود اى شيء يكدر العلاقة بين اتنين

ايه مواصفقات البنت/الولد(للبنات) اللي انت نفسك تكمل حياتك معاها؟
انها تكون فاهمانى خايفة عليا مقدرة حبى ليها بتحبنى وبحبها بس كدا

و هل لاقيت ده موجود في البنت اللي بتحبها حاليا؟
اكيد وموجود قوى

و هل لاقيت ده موجود عامه؟
لا دا مينفعش يكون موجود عامة

هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
لا طبعا مش حرام

صف نفسك كمحب في كلمه او جمله صغيرة
بحبهاااااااااااااااااااااااااااااااااااااا


Oct 25, 2007

بلدنا اونطة


بقت حاجة تقرف دي والله اللى بيحصل فى الجامعات دا
كل يوم والتاني اعتقال كام طالب من جامعة ايه وطبعا اغلبهم اخوان
الكلام دا موجود فى اى حته هتلاقوه بس انا قريته فى موقع فى البلد
الخبر دا استفزنى بالذات
وفيهم اللى مقضاش العيد فى بيته وفيهم اللى اعتقل علشان الانخابات الاخيرة
وكمان اقتحم الامن جامعة عين شمس ودي طبعا مش اول مرة كرروها قبل كدا فى كذا جامعة
دي فعلا بقت حاجة تقفر هى دى مش بلدنا مش هنعرف بقي نضفها من الزبالة دي ولا أيه

قلبى مع كل طالب ربنا ابتلاه بالشرف دا
دايما هتكونا محل اعجاب منا لأنكوا بتدافعوا عن قضيتكوا ولأنكوا مش
بتتنازلوا عن حقكوا بسهولة

على فكرة انا مش اخوان بس الى بيحصل دا يضايق اى حد مهما كان انتماءه

ربنا مع كل المعتقلين على اختلاف اطيافهم

تشي

Oct 21, 2007

شكرا دكتور أحمد

النهاردة فعلا كان من احلى الايام فى الكلية
كان فى محاضرة فى الفترة الاخيرة للدكتور أحمد رأفت وهو أكتر دكتور بحبه فى كليتنا أصلا وبعده دكتور نبيل لاشين طبعا
المهم دكتور احمد فى وسط شرحه للبرجمه شبه الدنيا بالبرمجة
قال ان الدنيا عبارة عن شوية قرارات بتحدد مصير حياتك بتحدد هتنجح ولا هتفشل هتحقق حلمك ولا لأ هتخش الجنة ولا النار
ومش بس القرارات لا كمان عبارة عن LOOPS
لأننا بندور فى دواير لبعض الوقت علشان نسيبها ونروح دواير تانية
اربع سنين كلية انت فى دورة أو دايرة يعني
تروح الكلية تيجي من الكلية تذاكر وهكذا
تخلص وتخش فى دورة تانية تروح الشغل تيجي من الشغل
ودواير كتير وقرارات
فعلا كان تشبيه جامد ومش هعرف اوصلهولكوا بالظبط

دكتور أحمد .... شكرا

تشي