يا صباح تاجات أيه يا جماعة دا اول شهر ليا فى البلوج ودا تالت تاج مش مهم هبدأ على طول من غير كلام كتير
امتى قلت لنفسك يا ارض انشقى وابلعينى ؟؟
مش فاكر بالظبط بس فى اغلب المواقف المحرجة
مين هو مثلك الاعلى ؟؟
قدوتى رسول الله ( ص ) ومثلي الأعلى ارنستوا جيفارا :)
هل انت راضي عن نفسك و عن حياتك و عن شغلك ( أو دراستك )؟؟
لا خالص نهائي
ايه هو احسن مسلسل كرتونى بتحبه ؟؟
توم اند جيري وكونان :)
ايه هو احلى خبر سمعته وايه أسوء خبر ؟؟
أحلى خبر مش عارف والله اصل الاخبار الحلوة بقت عمله نادره دلوقتى بس بجد مش فاكر ايه ممكن يكون احلى خبر
أسوء خبر بقي هو وفاة واحد زميلي من حوالى سنة وشوية كدا وهو فى المصيف
بتحب السفر؟؟ ليه ؟؟
اه طبعا بحبه بشوف ناس وبتعلم وحاجات كتير
أيه أكبر مشكلة قابلتك فى حياتك وازاى اتصرفت فيها ؟؟
مممممممممممممممممم اكبر مشكلة معتقدش مر عليا اللي يتقال عليه اكبر مشكلة
يا ترى أحسن صدفه حصلت في حياتك ؟؟
انى بقيت بلوجر :)
اية هى الامنية اللى نفسك تحققها ؟؟
انى ابقي بيل جيتس العربي او احسن منه كمان
بتثق فى اصحابك قد اية ؟؟
اصدقائي ... بثق فيهم جدا جدا
خانك صديق قبل كده ؟؟
اه
عملت معاة اية ؟؟
نسيته وحلفت ما اكلمه تانى او حتى اسلم عليه
كرهت حد كنت تعرفه قبل كده ؟؟
اه أنظر عاليه :)
موقف عملته و حسيت أنك ندل فيه ؟؟
بجد لا لكن بهزار على طول بـ ندّل مع اصحابي بس بهزاااااااااااااااار
ايه أكتر يوم بتحبه فى أيام الاسبوع ؟؟ وليه ؟؟
مبقتش فارقه كلها تشبه بعضها
ايه أكتر حاجه بتعجبك فى شخصيتك ؟؟ وايه اكتر حاجه بتكرهها ؟؟
اكتر حاجة بتعجبني فيا انى لما بعوز اعمل حاجة بعملها واكتر حاجة بكرهها فيا برضه انى متسرع جدا
ايه اكتر شعب بيعجبك ؟؟ واكتر شعب مش بيعجبك ؟؟
اكتر شعب بيعجبنى الفرنسيين واكتر شعب مش بيعجبني المصريييييييييييييييييييييييييييييين
اكترحاجة بتحبها فى حياتك عامة ؟؟
انى موجود فيها
واكتر حاجة بتكرها ؟؟
ان حد عزيز عليا يغيب عنها
وايه المكان اللى بتحب تروحه على طول لما تكون زهقان؟؟
اى مكان فاضي مفيهوش ناس وفيه إضاءة خفيفة ويا سلام لو حته ع الكورنيش
ايه هى رياضتك المفضلة؟؟
كرة القدم طبعا بس نفسي اجرب التزحلق على المياة جامدة اللعبة دي
أيه هي نظرتك للدنيا؟؟
مش عارف بالظبط يعني بس بتوقع الاسوء دايما
أيه أكتر اغنية بتحبها وبتهديها لمين ؟؟
منير يا شمس ( اسمها من حر مالى برضه ) وبهديها لكل الناس
التاج دا هتمرره لمين " وش شيطان بيضحك " !!!؟؟
ممممممممممممممممممم اخيرا جالى تاج امرره " نفس الوش اللى فى السؤال "
مش قادرة .......... تخاريف محمد شهبي ............... أحمد المصري .......... الكاتب الكبييييييييييير اسامة يوسف ........... ايهاب على ودنياه ................ وتنفيس ابو صلاح كمان بالمرة .................. اه صحيح ومصطفى فتحي اللى ما بيجاوبش على تاجات خالص :)
الحمد لله خلصنا
7 comments:
حوار جميل و هجاوب عليه بس اخد وقتي عشان امخمخ و اجاوب على الاقل احاول استدعي ذاكرتي في المواقف اللي طالبها
يا مان خد وقتك شرفتنى بزيارتك
يا رب دايما
تشي
بعد السلام عليكم
اولا ياأحمد احب أعتذر عن تأخري في زيارة مدونتك الجميلة
بس أن شاء الله هأزهقك بعد كده
اعلق بقي علي التاج
اجاباتك جميلة ياباشا .. وأجمل حاجة عجبتني فيها صراحتك
ربنا يجعل صاحبك مثواه الجنة بإذن الله
ويالا ياعم أن شاء الله نشوفك بيل جيتس التاني .. وربنا يحققلك احلامك
وبعدين ليه كده بس؟
ليه الشعب المصر مش عجبك
تحياتي ليك
وكل سنة وأنت طيب
ابو صلاح شرفتنى ويا رب دايما وانا عمرى ما ازهق من حد فما بالك بقي او كان بلوجر وكمان ابو صلاح
المهم
كويس ان اجباتى عجبتك وحكاية الصراحة دي لازم لو شايف انى مش هكون صريح مكنتش جاوبت من الاول وارحت واسترحت ولا أيه ;)
يا رب يسكنه فسيح جناته
يا رب كل احلامى تتحق واحلامك واحلام اى حد بيحلم بمستقبل احسن
فى شعب مصر دي بقي تتقال حكاوى من رشوة لمحسوبية للشاى بتاع الاستاذ اللى بيخلص هنا وكل سنة وانت طيب يا باشمهندس والدرج المفتوح والكسل والتدين الظاهري والكذب والنفاق و و و و و و و كتيييييييييير قوى ومش هنخلص
عموما ربنا يهيدنا
تحياتك وصلت وكل سنة وانت طيب وبألف خير وسلامة
تشي
طبعا
اشكرك جدا جدا علي ثقتك الغالية دي .. وأنك مررتلي التاج
اللي كانت بمثابة مفأجاة سعيدة ليا
بس معلش هأتاخر شوية عشان معايا تاج من زمان ولسه ما جاوبتش عليه
وأنا سعيد جدا بزياراتك لمدونتي المتواضعة .. ويسعدني دوام التواصل
تحياتي
وكل سنة وأنت طيب
بعد السلام عليكم
فعلا عندك حق .. احنا مش هنافق نفسنا و نقول أن المساؤي دي مش عندنا
بس برضه زي مافي كل الحاجات دي في الشعب المصري
هتلاقي برضه اللي بيخاف من ربنا .. واللي عنده ذمة وضمير .. واللي بيحب بلده و بيخاف عليها .. و الغيور علي دينه .. والمحافظ علي اخلاقه و قيمه .. والطيب و المتعاون و اللي يمدلك ايده بالمساعدة لو كنت في ضيق أو حتي غير ضيق .. واللي يشاركك في فرحك .. واللي يقاسم معاك حزنك
أنا طبعا مش من النوع اللي بيتعامي عن عيوبنا و مساؤنا .. بس برضه دايما في جانب مشرق .. ونص كوبية مليان
تحياتي
وكل سنة وأنت طيب
ابو صلاح والله منورنى ويا رب دايما بس على فكرة كنا بنتكلم فى الحكاية دي واكتشفت ان اغلب الناس مش لاقيه الكوب اصلا بس الحمد لله لقيته انا بس لقيته للأسف فاضي ياللا يا رب نكون احسن
تشي
Post a Comment