جديدة دي ..... بس جامدة

الصراحة فى حاجة غريبة لقيتها النهاردة فى المصري اليوم فرحت جدا وبرده زعلت اوى هى من النوع اللى هو هم يبكي ويضحك فى نفس الوقت الخبر مفاده ( حلوه مفاده دي ) ان قال ايه شوية طلبة عملوا محاكمة لوزير التعليم العالى والقيادات بتاعه الجامعة فى نقابة المحامين

الله اكبر

عجبني جدا الموقف والله واننا عرفنا نعمل حاجة منظمة لأول مرة

اللى ضايقنى بقي ان رغم حكم المحكمة اللى اتعملت دي بالإدانة لكن مفيش حاجة هتحصل خالص لو اننا فى بلد محترم شوية فعلا كان الوزير اتشال او على الاقل بدأت تحقيقات فى اللى بيحصل ياللا مش مشكلة بس فعلا فرحان جدا اننا قدرانا ( كطلبة ) نعمل حاجة منظمة زى كدا

الخبر من هنا فى المصري اليوم